42 milyon aktiv istifadəçisi olan "Facebook" internet saytı Microsoftun yuxusuna haram qatıb. Dünyanın ən çox izlənilən saytına çevrilən saytı Bill Qeyts nəyin bahasına olursa olsun, almaq istəyir.
Saytın rəhbəri ona edilən təkliflərdən imtina edəndən sonra, Microsoft daha fantastik təklif verib. Belə ki, Facebook-un 5 faizinə sahib olmağın qarşılığına Bill Qeyts 500 milyon dollar ödəməyə hazır olduğunu söylədi. Bu isə saytın dəyərinin 10 milyard dollara yüksəldiyini göstərir.
Qeyd edək ki, Facebook 2004-cü ildə Harvard Üniversitetinin 19 yaşlı tələbəsi Mark Zuckerberg tərəfindən qurulan bir internet saytıdır.
Əvvəllər Facebook’un istifadəçiləri yalnız Harvard Universitetinin məzunları ilə məhdud idi. Daha sonda ABŞ-n digər universiteti və məktəbləri arasında da bu sayt sürətlə populyarlaşdı. İndi isə 42 milyon aktiv üzvü ilə dünyanın ən çox izlənilən saytına çevrilib.