İngiltərənin ITV 1 telekanalında “Müsəlman İsa” adlı sənədli film yayımlanıb. Filmdə İslam dininin Hz. İsa barəsindəki görüşlərinə yer verilib. Sənədli filmdə bildirilir ki müsəlmanlar, Hz. İsanın Tanrının oğlu olduğunu qəbul etmir. Bundan başqa Hz. İsanın çarmıxa çəkilmə hadisəsinin də qondarma olduğu bildirilir. Xristian din xadimləri filmə qarşı sərt reaksiya göstərib. Anqlikan və katolik kilsələri isə telekanalı ikili standartda ittiham edib. Filmdə, müsəlmanların da Hz. İsanı sevdiyi, ancaq onu Tanrının oğlu yox, Hz. Məryəmin oğlu kimi qəbul etdikləri vurğulanıb. Sənədli filmin aparıcısı Melvin Breq, “Bu filmin müsəlman və xristian ictimaiyyət arasında qarşıdurmaya səbəb olacağını güman etmirəm” – deyib. Ancaq xristian din xadimləri indidən filmə qarşı sərt fikirlər bildirməyə başlayıblar.